Komiteti i përzgjedhur i udhëhequr nga demokratët i kërkoi Departamentit të Drejtësisë të ngrejë akuza kundër ish-presidentit republikan, duke përfshirë pengimin e një procesi zyrtar të Kongresit, komplotin për të mashtruar Shtetet e Bashkuara dhe për kryengritje.
Kërkesa nuk është e detyrueshme, por mund të rrisë presionin ndaj prokurorëve, të cilët tashmë po kryejnë hetime të shumta ndaj Trump.
Një panel i Dhomës së Përfaqësuesve të SHBA-së të hënën u kërkoi prokurorëve federalë ta akuzojnë Donald Trumpin për pengim dhe kryengritje për rolin e tij në nxitjen e sulmit të 6 janarit 2021 në Capitol.
Komiteti i përzgjedhur i udhëhequr nga demokratët i kërkoi Departamentit të Drejtësisë të ngrejë akuza kundër ish-presidentit republikan, duke përfshirë pengimin e një procesi zyrtar të Kongresit, komplotin për të mashtruar Shtetet e Bashkuara dhe për kryengritje.
Kërkesa nuk është e detyrueshme, por mund të rrisë presionin ndaj prokurorëve, të cilët tashmë po kryejnë hetime të shumta ndaj Trumpit.. Në emër të demokracisë.
Takimi i së hënës ka të ngjarë të jetë mbledhja e fundit publike përfundimtare e një paneli që kaloi 18 muaj duke hetuar përpjekjen e paprecedentë për të parandaluar transferimin paqësor të pushtetit nga mijëra mbështetës të Trumpit, i frymëzuar nga pretendimet e tij të rreme se humbja e tij në zgjedhjet e vitit 2020 ndaj presidentit demokrat, Joe Biden, ishte rezultat i mashtrimit të përhapur.
“Nëse duam të mbijetojmë si një komb ligjesh dhe demokracie, kjo nuk mund të ndodhë më kurrë”, tha përfaqësuesi Bennie Thompson, kryetar i komitetit të përzgjedhur.
Duke fajësuar Trumpin për thirrjen e turmës në Capitol gati dy vjet më parë, Thompson kritikoi gjithashtu ish-presidentin për minimin e besimit në sistemin demokratik.
“Nëse besimi është shkatërruar, po ashtu është edhe demokracia jonë. Donald Trumpi e shkeli atë besim”, tha Thompson.
Trumpi ka nisur tashmë një fushatë për të kërkuar nominimin republikan për të kandiduar përsëri për Shtëpinë e Bardhë më 2024.
Puna e komitetit të përzgjedhur është një nga një seri hetimesh mbi trazirat. Pesë persona, duke përfshirë një oficer policie, vdiqën gjatë ose menjëherë pas incidentit dhe më shumë se 140 oficerë policie u plagosën. Capitoli pësoi dëme miliona dollarësh.
Indiferenca e Trumpit
“Ndër gjetjet më të turpshme të këtij komiteti, ishte se presidenti Trump ishte ulur në dhomën e ngrënies pranë Zyrës Ovale, duke parë trazirat e dhunshme në Capitol në televizion”, tha përfaqësuesja Liz Cheney, një nga dy republikanët në komitet.
Trump i ka hedhur poshtë hetimet e shumta me të cilat përballet si të motivuara politikisht. Ai thotë se komiteti i 6 janarit, i dominuar nga demokratët, është i njëanshëm kundër tij.
Një juri ka shpallur tashmë anëtarët e milicisë së djathtë, “Oath Keepers”, fajtorë për rebelim për rolin e tyre në sulm dhe një këshilltar special, Jack Smith, po udhëheq hetimet në përpjekjet e Trumpit për të përmbysur humbjen e tij dhe heqjen e dokumenteve të klasifikuara nga Shtëpia e Bardhë.
Trumpi është përballur me një sërë problemesh ligjore që nga përfundimi i mandatit. Kompania e tij e pasurive të paluajtshme u dënua më 6 dhjetor për kryerjen e një skeme kriminale 15-vjeçare për të mashtruar autoritetet tatimore.
Trumpi i ka hedhur poshtë hetimet e shumta me të cilat përballet si të motivuara politikisht. Ai thotë se komiteti i 6 janarit, i dominuar nga demokratët, është i njëanshëm kundër tij.
“Komiteti shumë partizan i pazgjedhur po nxjerr në mënyrë të paligjshme informacione konfidenciale për këdo që do të dëgjojë”, shkroi ish-presidenti në platformën e tij “Truth Social” përpara takimit. “Sa kohë më gjatë do ta lejojnë republikanët, dhe patriotët amerikanë në përgjithësi, të ndodhë kjo”.
Përmbledhja e raportit
Komiteti i përzgjedhur i Dhomës së Përfaqësuesve që hetonte sulmin e 6 Janarit 2021 në Capitolin e SHBA-së, ka arritur në përfundimin se ish-presidenti Donald Trump ishte përfundimisht përgjegjës për kryengritjen, duke paraqitur për publikun dhe Departamentin e Drejtësisë një grumbull provash se pse ai duhet të ndiqet penalisht për krime të shumta.
“Kjo provë ka çuar në një përfundim thelbësor dhe të drejtpërdrejtë: shkaku kryesor i 6 Janarit ishte një njeri, ish-presidenti Donald Trump, të cilin shumë të tjerë e ndoqën”, shkruan komiteti në një përmbledhje të raportit përfundimtar të publikuar të hënën. Asnjë nga ngjarjet e 6 janarit nuk do të kishte ndodhur pa të, shkruan televizioni amerikan, CNN në përmbledhjen e përfolur për raportin.
Përmbledhja përshkruan me detaje të gjera se si Trumpi u përpoq të mposhtte, të bënte presion dhe të mashtronte këdo që nuk ishte i gatshëm ta ndihmonte atë për të përmbysur humbjen e tij zgjedhore – ndërkohë që e dinte se shumë nga skemat e tij ishin të paligjshme. Shtrëngimi i tij i pamëshirshëm përfshinte administratorë zgjedhorë në shtetet kyçe, drejtues të lartë të Departamentit të Drejtësisë, ligjvënës shtetërorë dhe të tjerë. Raporti madje sugjeron ndërhyrje të mundshme të dëshmitarëve me hetimin e komitetit.
Komiteti përdor në mënyrë të përsëritur një gjuhë të fortë për të përshkruar qëllimin e Trumpit: se ai “përhapte me qëllim pretendime të rreme për mashtrim” në mënyrë që të ndihmonte përpjekjet e tij për të përmbysur zgjedhjet e vitit 2020 dhe për të kërkuar me sukses rreth 250 milionë dollarë kontribute politike. “Këto pretendime të rreme provokuan përkrahësit e tij në dhunë më 6 janar”.
Raporti i plotë, i bazuar në më shumë se 1.000 intervista, dokumente të mbledhura duke përfshirë email, tekste, regjistrime telefonike dhe një vit e gjysmë hetim nga komiteti dypartiak prej nëntë anëtarësh, do të publikohet i plotë të mërkurën, së bashku me transkriptet dhe materialet e tjera të mbledhura në hetim.
Përgënjeshtrimi i Trumpit
Burime të informuara me strategjinë ligjore të Trumpit në hetimin e Departamentit të Drejtësisë i kanë thënë televizionit CNN se avokatët e tij besojnë se prokurorët përballen me një betejë të vështirë për të dëshmuar se ai nuk besonte se zgjedhjet ishin vjedhur pavarësisht se u tha aq shumë nga anëtarë të lartë të administratës së tij.
Duke hartuar rastin e tij për një ndjekje penale të Trumpit nga Departamenti i Drejtësisë, komiteti i Dhomës së Përfaqësuesve synoi atë mbrojtje të mundshme.
“Edhe nëse do të ishte e vërtetë që presidenti Trump besonte me të vërtetë se zgjedhjet ishin vjedhur, kjo nuk është mbrojtje”, thuhet në përmbledhje. “Asnjë president nuk mund të injorojë gjykatat dhe të shkelë qëllimisht ligjin, pavarësisht se çfarë ‘arsyetimi’ të supozuar ai ose ajo paraqet”.
Në përshkrimin e arsyes se pse komiteti beson se sjellja e Trumpit plotëson pikat e çdo statuti penal, përmbledhja thekson provat se Trumpi ishte paralajmëruar se skemat e tij ishin të paligjshme.
