Fushë Kosova, Drenasi dhe Obiliqi, një pjesë të lagjes Kalabria në Prishtinë dhe pikat e larta të lagjes Arbëria kanë mbetur pa ujë të pijshëm shkaku i turbullirave në kanalin e Ibër Lepencit të shkaktuara nga punimet që po zhvillohen në kanal.
Sipas një njoftimi të Kompanisë Rajonale të Ujësjellësit “Prishtina” impianti për trajtimin e ujit në Shkabaj është jashtë funksionit që nga ora 05:00
“Gjithashtu, ndikime dhe reduktime të furnizimit priten edhe në disa zona të kryeqytetit.Ekipet tona janë në terren dhe po monitorojnë situatën vazhdimisht. Furnizimi do të rikthehet menjëherë sapo të stabilizohen parametrat në kanalin furnizues”.
“Ju kërkojmë ndjesë qytetarëve për shqetësimet e shkaktuara, PA FAJIN TONË, ngase kanali nuk menaxhohet nga KRU” Prishtina”.Ndërsa, me ITU Albanik dhe Badoc jemi duke trajtuar ujë me kapacitet maksimal”, thonë nga ujësjellësi i kryeqytetit.
