Një aksident trafiku me pasoja të rënda ka ndodhur sot paradite në dalje të fshatit Myzeqin të Shtimes.
Në aksident janë përfshirë një veturë me targa 05-512-FH, të cilën e drejtonte A.S., rreth 23-vjeçar, dhe një biçikletë që ngitej nga B.B., rreth 29-vjeçar.
Ngjarja ka ndodhur rreth orës 11:30, kur të dy mjetet po qarkullonin në të njëjtin drejtim, nga Gjyrkovci në drejtim të fshatit Koshare. Për shkak të mosmbajtjes së distancës anësore, vetura e ka goditur biçiklistin me pjesën e përparme të djathtë, duke i shkaktuar këtij të fundit lëndime të rënda trupore.
I njëjti është dërguar me urgjencë në QKUK – Prishtinë.
Drejtori i Klinikës Emergjente, Naser Syla, ka bërë të ditur se biçiklisti ndodhet ende në gjendje të rëndë.
