Ukraina ka njoftuar se ka sulmuar me eksplozivë të vendosur nën ujë urën që lidh Rusinë me Krimenë.
Shërbimi i Sigurisë së Ukrainë ka bërë të ditur se agjentët ukrainas kishin minuar këmbët e urës rrugore dhe hekurudhore të Krimesë, e njohur edhe si Ura e Kerçit,
Sipas njoftimit të Shërbimit të Sigurisë së Ukrainës, në këtë sulm ishin përdorur 1 mijë e 100 kilogramë eksplozivë, që sipas tyre, kanë dëmtuar rëndë këmbët e urës, shkruan CNN.
Trafiku mbi urë është pezulluar herët në mëngjesin e së martës, e pastaj sërish pasdite, teksa shkalla e dëmtimit nuk ishte menjëherë e qartë.
Kujtojmë se të dielën, Shërbimi i Sigurisë së Ukrainës ndërmori një sulm të guximshëm me dronë ndaj flotës së bombarduesve bërthamorë të Moskës, të vendosur në pista ajrore të ndryshme në Rusi, mijëra kilometra larg Ukrainës.
