Ukraina ka lëshuar raketa me rreze të gjatë veprimi, të prodhuara nga SHBA-ja, në rajonin Bryansk të Rusisë.
Kështu bëri të ditur Ministria e Mbrojtjes e Rusisë.
Sulmi vjen pasi administrata e Biden i dha Kievit dritën jeshile për të përdorur armët me rreze më të gjatë kundër objektivave brenda Rusisë.
Ukraina gjuajti gjashtë raketa balistike në një objekt në Bryansk, tha ministria.
Mbrojtja ajrore ruse rrëzoi pesë nga raketat dhe një tjetër u dëmtua. Fragmente nga raketa e dëmtuar kanë rënë në territorin e një objekti ushtarak, duke shkaktuar një zjarr që më pas është shuar. Nuk ka pasur viktima apo dëme.
Sulmi do të shënonte herën e parë që Ukraina ka përdorur armët amerikane me rreze më të gjatë për të goditur objektiva thellë brenda Rusisë.
Të dielën, presidenti amerikan Joe Biden autorizoi Ukrainën të përdorë raketa amerikane me rreze më të gjatë veprimi brenda Rusisë, duke i dhënë fund një ndalimi prej muajsh që synonte të ndihmonte Ukrainën të mbrohet duke mos përshkallëzuar në mënyrë drastike konfliktin.
Raketat amerikane mund të ndihmojnë Ukrainën të godasë objektivat ushtarake në Rusi, përcjellë Gazeta Enigma.
Pas sulmit të raportuar me raketë të martën herët në mëngjes, presidenti Vladimir Putin përditësoi doktrinën bërthamore të Rusisë – vetëm dy ditë pas dritës jeshile të Biden.
Sipas doktrinës së përditësuar, Moska do të konsiderojë agresionin nga çdo shtet jo bërthamor – por me pjesëmarrjen e një vendi bërthamor – një sulm të përbashkët ndaj Rusisë. /Gazeta Enigma
