Gjashtë vajza të mitura në Indinë qendrore u zhveshën dhe parakaluan lakuriq si pjesë e një rituali të fshatit për të bërë thirrjen e shirave.
Sipas BBC, përcjell Gazeta Enigma, incidenti ndodhi në një fshat të thatë në rajonin Bundelkhand të shtetit Madhya Pradesh.
Videot që u bënë virale në mediet sociale thuhet se treguan vajza të reja që ecnin lakuriq me një bosht druri në shpatullat e tyre, që kishte një bretkosë të lidhur.
Vendasit besojnë se rituali do të “kënaqë” perëndinë e shiut dhe do të sjellë reshje shiu në rajon.
Komisioni Kombëtar i Indisë për Mbrojtjen e të Drejtave të Fëmijëve ka kërkuar një raport nga administrata e rrethit Damoh, ku ndodhet fshati.
Policia e Madhya Pradesh tha se nuk kishte marrë ndonjë ankesë zyrtare kundër ngjarjes, por shtoi se kishte hapur një hetim.
