Louis van Gaal u dërgua në spital pasi ra nga biçikleta e tij përpara ndeshjes kualifikuese të Holandës për Kupën e Botës kundër Norvegjisë.
Ish-trajneri i Mançester United mësohet se ka lënduar ijën kur po kthehej me biçikletë në hotelin e ekipit pas stërvitjes të së dielës mbrëma.
70-vjeçari – i cili iu nënshtrua një ndërhyrje në kofshë në vitin 2012 – tani po përdor një karrige me rrota për të lëvizur.
Lëndimi nuk mendohet të jetë shumë i rëndë edhe pse Van Gaal u kthye në stërvitje të Holandës të hënën.
Ai lëvizi me ndihmën e një karroce golfi nga ndihmësi i tij Henk Fraser, ndërsa ndihmësi tjetër Danny Blind zhvilloi nxehjet me lojtarët.
Ai është këshilluar të pushojë dhe të lërë lëndimin të pushojë vetë pa pasur nevojë për trajtim të mëtejshëm.
Një zëdhënës i Holandës tha: “Louis nuk mund të ecë dhe është në një karrige me rrota. Ai dëshiron të bëjë gjithçka që mundet për të arritur në ndeshjen e së martës”.
Ende nuk është bërë e qartë nëse do të jetë i pranishëm në atë takim, por që situata nuk është shumë serioze.
