Policia e Kosovës po kërkon ende ndihmën e qytetarëve për ta gjetur Ilaz (Tahir) Sejdiu nga Ferizaj që është raportuar i humbur.
Edhe sot ka vazhduar kërkimi për 91-vjeçarin i cili është nga fshati Greme e Ferizajt. Sipas njoftimit, nga data 17.08.2023 rreth orës 07:10 kishte dalur nga shtëpia dhe nuk është kthyer më. rreth orës 07:10 kishte dalur nga shtëpia dhe nuk është kthyer më, njofton policia.
“Ekipet e policisë rajonale të Ferizajt në bashkëpunim të ngushtë me familjarët e tij, banorë të zonës,”Shoqata e Kosovës për Kërkim dhe Shpëtim”, vullnetarët nga “Shërbimi i Kërkim-Shpëtimit Malor i Kosovës”, pjesëtarë të Brigadës së Zjarrëfikësve të Ferizajt, zyrtarë të Drejtorisë së Emergjencave të komunës së Ferizajt janë në kërkim të personit të zhdukur”, thuhet në njoftim.
“Policia Rajonale e Ferizajt ka marr autorizimet nga prokurori i rastit nga Prokuroria Themelore në Ferizaj për publikim e të dhënave të tij dhe kërkojmë bashkëpunimin e qytetarëve.
Ai është i gjatë 170 cm, peshon 75 kg, sy kafe, flokë të thinjura. Kishte të veshura: pantollona dhe xhaketë ngjyrë kafe, këpucë të zeza me shirita ngjitës dhe me plis të bardhë”, njofton policia.
Të gjithë ata që kanë informacione, që ndërlidhet me personin e zhdukur, policia apelon ta njoftoni menjëherë policinë, stacionin më të afërt të policisë, apo përmes numrit kujdestar 192 dhe aplikacionit digjital” Lajmëro Policinë”.
