Një grua 24 vjeçare ka vdekur si pasojë e lëndimeve që ka marrë nga plagosja me armë zjarri që pati brenda një poligoni të shenjëtarisë në Prishtinë.
Kallxo.com mëson se ngjarja ka ndodhur rreth orës 19:30 më 29.08.2025 në rrugën “Dritan Hoxha “në Prishtinë, aty ku gjendej edhe poligoni për gjuajtje me armë.
Viktima është dërguar menjëherë në trajtim mjekësor në Qendrën Klinike Universitare të Kosovës ndërsa rreth 3 orë pas plagosjes policia ka marrë edhe konfirmimin se L.S., 24 vjeçare ka vdekur si pasojë e plagëve që kishte marrë.
Menjëherë kishte nisur edhe hetimi ndërsa është arrestuar edhe një instruktor i poligonit i cili është ndaluar për 48 orë.
Rasti deri më tani në bazë të hetimeve fillestare po konsiderohet si vetëvrasje dhe shkaktim i rrezikut të përgjithshëm me pasojë vdekjen.
