Një person është dërguar pa shenja jete në Qendrën Kryesore të Mjekësisë Familjare të Malishevës, për vdekjen e të cilit policia ka nisur hetimet.
Gazeta Online “Reporteri.net” ka mësuar se viktima është Rr. K, punëtor shumë vjeçar i Postës në Kijevë të Malishevës dhe dyshohet se ka pësuar infarkt.
Viktima është nga fshati Bubavec i Malishevës është dërguar në këtë qendër nga familjarët e tij.
Policia e Kosovës ka njoftuar se me vendim të prokurorit, trupi i pajetë i viktimës është dërguar sot për obduksion në Institutin e Mjekësisë Ligjore.
Sipas Policisë për shkak të rrethanave të dyshimta të vdekjes, me vendim të prokurorit, trupi i pajetë është dërguar sot për obduksion në Institutin e Mjekësisë Ligjore.
Rasti në polici është hapur si ‘hetim i vdekjes’.
