Vendoset gurthemeli i Qendrës për Autizmin, Sindromën Down dhe Personat me Aftësi të Kufizuara

Vendoset gurthemeli i Qendrës për Autizmin, Sindromën Down dhe Personat me Aftësi të Kufizuara

Sot është vendosur gurthemeli i Qendrës Rehabilituese dhe Arsimore për Autizmin, Sindromën Down dhe Personat me Aftësi të Kufizuara.

Kjo falë shoqatës “Jetimat e Ballkanit” me shumë donatorë.

Themeluesi i kësaj shoqate, Halil Kastrati ka thënë se ky projekt madhor do të sjellë dritë dhe shpresë për ata që kanë më së shumti nevojë.

Pjesëmarrës në këtë ditë të rëndësishme ishin, kryetari i Kuvendit, Glauk Konjufca, ai i BIK-t, Naim Tërnava, kryetari i AKR-së, Behgjet Pacolli, anëtari i familjes Jashari, Bekim Jashari dhe shumë biznesmenë e donatorë të kësaj shoqate.

Shkrimi i plotë i Kastratit:

Me emrin e Zotit e nisëm!

Sot vendosëm gurthemelin e një ëndrre të madhe – Qendrës Rehabilituese dhe Arsimore për Autizmin, Sindromën Down dhe Personat me Aftësi të Kufizuara.

Në praninë e shumë qytetarëve, donatorëve dhe miqve të shoqatës sonë, me emocione të mëdha dhe gëzim të veçantë, shënuam fillimin e këtij mega projekti që do të sjellë dritë dhe shpresë për ata që kanë më së shumti nevojë.

Pjesëmarrës në këtë ditë të rëndësishme ishin:

Kryetari i Kuvendit të Kosovës, Glauk Konjufca

Kryetari i Bashkësisë Islame të Kosovës, Naim Tërnava

Ish-presidenti i Kosovës, Behgjet Pacolli

Anëtari i familjes Jashari, Bekim Jashari

Shumë biznesmenë dhe donatorë të shoqatës sonë

Ky projekt është një amanet i madh dhe një përgjegjësi e shenjtë për ne.

E lusim Zotin të na lehtësojë këtë rrugëtim dhe të na mundësojë ta realizojmë me sukses këtë vepër që do t’u shërbejë brezave!

Na priftë e mbara!

Me zemër plot mirënjohje, lusim Zotin që të gjithë ata që kontribuuan, po kontribuojnë dhe do të kontribuojnë në këtë vepër të madhe t’i shpërblejë me mirësi, begati dhe shëndet!

Bamirës, Zoti kurrë mos ju humbtë!

Related Articles