Viktima e një aksidenti të djeshëm në magjistralen Prishtinë – Pejë ishte një nxënës i shkollës fillore “Asdreni” në Pejë.
Këtë e ka bërë të ditur vetë faqja zyrtare e shkollës në një postim në Facebook.
Viktima është Aron Mazrekaj. Shkolla “Asdreni” e përshkori Aronin si nxënës i urtë, i qetë dhe shembullor.
Shkrimi i plotë i faqes së shkollës fillore “Asdreni” në Facebook:
Dhimbje e madhe !
E rëndë dhe e veshtirë ta kuptojmë për ty Aron se paske lënë ëndrrat në gjysmë!
I urtë ,i qetë e shembullor, të gjithë u krenoheshim me ty, pse na ike Aron!
Me zemër të thyer dhe dhimbje të thellë morem lajmin për vdekjen e parakohshme të nxënësit tonë të dalluar, Aron Mazrekaj, i cili u nda tragjikisht nga jeta në një aksident fatkeq.
Aroni ishte një shembull frymëzues për të gjithë ne.
Me përkushtimin e tij në mësime, me mirësinë që tregonte për shokët, dhe me respektin ndaj mësimdhënësve dhe stafit, Aroni pasqyronte vlerat më të larta të shkollës sonë.
Si i tillë me pelqimin e të gjithëve u zgjodh KRYETAR I KËSHILlIT TË NXËNËSVE TË SHKoLLËS.
Ai dallohej për bujarinë dhe shpirtin e tij të pastër. Ishte gjithmonë i gatshëm të ndihmonte dhe të ofronte një fjalë të mirë, duke lënë gjurmë në zemrat e të gjithëve që e njohën. Largimi i tij do të krijojë një boshllëk të madh në shkollën tonë dhe në komunitetin që e rrethonte.
Në këto momente të dhimbshme dhe të vështira, i shprehim ngushëllimet tona më të sinqerta familjes së tij, stafit të shkollës, shokëve e shoqeve dhe të gjithë atyre që e njohen dhe deshën.
Ndajmë me ta dhimbjen dhe kujtimin për një djalë të jashtëzakonshem, i cili do të jetojë gjithmonë në zemrat tona.
Çdo sukses dhe aktivitet në shkollë emrin e mbante Aron Mazrekaj.
Çdo pritje çdo prezentim krah drejtoris së shkollës ishe Ti . Bursa që u nda për ty mbeti në letër !
Pusho në paqe, Aroni ynë!
Me dhimbje të madhe !
Drejtoria e shkollës që aq shumë të deshti!
AGime Lajqi
