Ka ndodhur një vjedhje në objektin e Qendrës së Regjistrit Civil në qytetin e Podujevës.
Sinjali mëson se mëngjesin e djeshëm është raportuar nga stafi i Qendrës se persona të panjohur kanë hyrë me forcë brenda objektit dhe kanë vjedhur një shumë të konsiderueshme parash, mbushje elektronikë, numra SIM e pulla postare.
Bazuar në dëshminë e tyre, nga e cila është pronë e Postës së Kosovës, janë marrë mbi 4 mijë e 500 euro para të gatshme, teksa vlera e gjësendeve tjera të vjedhura është mbi 400 euro.
Pos kësaj janë shkaktuar edhe dëme materiale në dyer dhe dritare.
Në vendin e ngjarjes kanë dalë njësitë relevante, të cilat kanë kryer ekzaminimet që ndihmojnë në zbardhjen e rrethanave të rastit.
Me urdhër të prokurorit, rasti është cilësuar ‘Vjedhje e rëndë’, ndërsa veprimet tjera ligjore do merren varësisht nga zhvillimi i hetimeve.
