Armend Zemaj nga LDK ka thënë se ditëve të fundit ka pasur përpjekje për të ushtruar presin dhe ndikim politik mbi procesin e votimit të mërgatës.
Zemaj në një konferencë për media ka thënë se kjo u pa me tentimin që të pengohet në KQZ miratimi i buxhetit të domosdoshëm për këtë proces.
Ai i bëri thirrje VV-së, si shumicë në KQZ që siç tha Zemaj, “të qëndroj larg çdo tentative për ndërhyrje në këtë proces”.
“Sot ka nisur procesi i regjistrimit të votuesve jashtë vendit. LDK e mirëpret këtë proces dhe e vlerëson si kyç të funksionimit të një demokracie transparente dhe gjithëpërfshirëse. Të gjithë qytetarët tanë që jetojnë në mërgatë, e që nuk kanë mundësi të vijnë, i ftojmë të ushtrojnë të drejtën e tyre kushtetuese për të votuar. Fatkeqësisht kemi pasur përpjekje për të ushtruar presion dhe ndikim politik mbi procesin e votimit të mërgatës, duke tentuar të pengohet miratimi i buxhetit të domosdoshëm për këtë proces. I bëjmë thirrje VV-së si shumicë edhe në KQZ që të qëndrojë larg çdo tentative për ndërhyrje në këtë proces.
Procesi i votimit të mërgatës është proces i shtetit dhe jo i partive politike”, tha Zemaj.
