Vrasja e policit në Kaçanik, Çitaku: Kjo nuk është më thjesht mungesë rendi, por alarm kombëtar

Vrasja e policit në Kaçanik, Çitaku: Kjo nuk është më thjesht mungesë rendi, por alarm kombëtar

Nënkryetarja e PDK-së, Vlora Çitaku, ka reaguar pas vrasjes së policit në Kaçanik i cili ishte duke hyrë në shtëpinë e tij, raporton Gazeta “Enigma”.

Çitaku përmes një postimi në profilin e saj në Facebbok se nuk ka më kohë për deklarata boshe. Duhet veprim. Duhet përgjegjësi. Duhet të rikthehet shteti.

Tutje ajo ka theksuar se nuk ka më kohë për deklarata boshe. Duhet veprim. Duhet përgjegjësi. Duhet të rikthehet shteti.

“Çdo mëngjes po zgjohemi me lajme tronditëse: dhunë, krim, vrasje. Jetët e qytetarëve tanë po shuhen një nga një, në rrugë, në shtëpi, në vendin e punës, dhe askush nuk po mban përgjegjësi. Mbrëmë, në një akt që trondit thellë ndërgjegjen e çdo qytetari, një pjesëtar i Policisë së Kosovës u vra në hyrje të shtëpisë së tij”, ka shkruar ajo.

“Një njeri i uniformës, simbol i rendit dhe sigurisë, u bë viktimë në vendin që duhej ta kishte më të shenjtë: në prag të shtëpisë së tij. Kjo nuk është më thjesht mungesë rendi, kjo është alarm kombëtar. Institucionet janë të heshtura. Qeveria është e paralizuar. Krimi është i lirë, qytetari është i pambrojtur”, ka theksuar Çitaku.

“Shteti po dështon para syve tanë çdo ditë, çdo orë. Dhe çdo ditë që kalon pa përgjegjësi, pa veprim, është ftesë për më shumë dhunë, për më shumë vrasje, për më shumë pasiguri. Nuk ka më kohë për deklarata boshe. Duhet veprim. Duhet përgjegjësi. Duhet të rikthehet shteti. Përndryshe, shumë shpejt, askush nuk do të ndihet i sigurt askund”, ka përfunduar ajo. /Gazeta Enigma/

Related Articles