Presidenti serb, Aleksadar Vuçiq, është shprehur se së shpejti do të vijë në Kosovë.
Meqë nuk pranoi që t’i bëheshin pyetje shtesë edhe pas insistimit nga Klan Kosova, Vuçiq e ftoi gazetarin e Klan Kosovës që të shkojnë në Serbi, aty ku tha se do t’i përgjigjej në të gjitha pyetjet.
“Katër pyetje mi ke parashtruar”, i tha Vuçiq Sylës pas insistimit të këtij të fundit, “ Eja në Beograd te unë dhe do të të përgjigjem në gjithçka”.
“Eja në Prishtinë dhe do t’ju bëjmë më shumë pyetje”, ia ktheu Syla.
Ndaj kësaj Vuçiq u shpreh se do të vijë në Graçanicë së shpejti. “Sapo të më jepni atë leje demokratike, do të vi në Graçanicë dhe pastaj edhe në Prishtinë”.
“A e keni pyetur Kurtin për të?”, e pyeti gazetari ynë.
“Nuk mund ta pyes Kurtin, e pyes popullin tim dhe populli do që të më sheh”, u përgjigj presidenti serb, Aleksandar Vuçiq.
