Presidenti i Serbisë, Aleksandër Vuçiq, ka komentuar rastin kur dy serbë janë parë në Deçan, e që media në Kosovë kanë ngritur dyshime se mund të jenë ata që kanë helmuar ujin.
Ai ka deklaruar se serbët në fjalë nuk kanë qenë as 500 metra afër burimit të ujit nga ku furnizohen banorët e Deçanit.
“Ne kemi një analizë të lëvizjes së automjetit me targa të Novi Sadit, ata nuk ishin as 500 metra nga burimi i ujit. Ne po presim të shohim se çfarë do të thonë, ne po presim, po dëgjojmë”, tha Vuçiq, duke u përgjigjur pyetjet e gazetarëve, por duke mos dhënë hollësi të tjera.
