Ish-ambasadori amerikan i OSBE-së në Misionin Verifikues të Kosovës, William Walker, do të vijë në Kosovë në rastin e 24 vjetorit të Masakrës së Reçakut.
Walker, i cili edhe pritet të përfundojë librin e tij të kujtimeve të Masakrës së Reçakut, tha se do të fluturojë qysh sonte ose ditëve në vijim për në Prishtinë për të marrë pjesë në këtë ditë përkujtimore.
Qeveria e Kosovës madje edhe ndau edhe rreth 70 mijë euro për botimin e këtij libri në gjuhën shqipe.
“Qenka interesante, s’paskam dëgjuar”, tha Walker.
“Mendoj se Qeveria në Kosovë dhe njerëzit që kam takuar gjatë 23 viteve gjithmonë më kanë pyetur se a do të shkruani libër për këtë ngjarje të rëndësishme, dhe pikërisht këtë po e bëj”, tha ai për Insajderin.
