Presidenti ukrainas, Volodymyr Zelensky, njoftoi të martën se po e shtynte udhëtimin e tij në Arabinë Saudite, të planifikuar për të mërkurën, pasi denoncoi bisedimet ruso-amerikane që sapo ishin zhvilluar në atë vend.
“Ne jemi të sinqertë dhe mendjehapur, nuk dua asnjë rastësi. Kjo është arsyeja pse unë nuk do të shkoj në Arabinë Saudite”, tha Zelensky nga Turqia.
Ai shtoi se kishte rënë dakord me autoritetet saudite për shtyrjen e udhëtimit deri më 10 mars.
Pasi denoncoi takimin në Riad mes rusëve dhe amerikanëve, presidenti ukrainas bëri thirrje për bisedime “të drejta” për luftën.
“Ukraina, Evropa në kuptimin më të gjerë – kjo përfshin Bashkimin Evropian, Turqinë dhe Mbretërinë e Bashkuar – duhet të marrin pjesë në diskutime dhe në zhvillimin e garancive të nevojshme të sigurisë me Amerikën në lidhje me fatin e pjesës sonë të botës”, tha Zelensky.
