Gjeorgjianët sot janë duke votuar në zgjedhjet parlamentare të përshkruara nga të dyja palët si një betejë ekzistenciale që do të përcaktojë nëse vendi integrohet ngushtë me Perëndimin apo anon drejt Rusisë.
Votimi vendos partinë qeverisëse Ëndrra Gjeorgjiane, në pushtet që nga viti 2012, kundër katër blloqeve kryesore që përfaqësojnë opozitën pro-perëndimore. Vendvotimet u hapën në orën 06:00 dhe do të mbyllen në orën 18:00, me rreth 3.5 milionë gjeorgjianë që kanë të drejtë të votojnë.
Themeluesi dhe ish-kryeministri miliarder i Ëndrrës Gjeorgjiane, Bidzina Ivanishvili, tha se zgjedhjet ishin “një zgjedhje shumë e thjeshtë.
“Ose ne zgjedhim një qeveri që i shërben juve, popullit gjeorgjian… ose zgjedhim një agjent të një vendi të huaj që do të përmbushë vetëm detyrat e një vendi të huaj,” tha Ivanishvili, i konsideruar si fuqia kryesore e vendit, ndërsa ai hodhi votën e tij në Tbilisi të shtunën.
Gjeorgjia, e cila humbi një pjesë të territorit të saj nga separatistët e mbështetur nga Rusia në vitet 1990 dhe u mund në një pushtim të shkurtër rus në vitin 2008, ishte për dekada një nga shtetet më properëndimore që doli nga Bashkimi Sovjetik, shkruan Reuters
