Në lidhje me rastin e dy vajzave të zhdukura në Pejë, zëvendëskomandanti i policisë për këtë rajon, Veton Elshani, në Kiks Kosova ka thënë se ato s’e kanë lëshuar Kosovën.
Elshani shtoi se nuk kanë informata që jeta e dy vajzave 18 dhe 19-vjeçare është në rrezik dhe se janë duke e bërë verifikimin e telefonave dhe aspektet tjera të hetuesisë.
Lidhur me rastin nuk pranoi të japë informata shtesë, duke pasur parasysh ndjeshmërinë e rastit.
