Në Spitalin e Përgjithshëm të Pejës aktualisht janë duke u trajtuar 13 pacientë me COVID-19, ku 6 prej tyre janë në oksigjenoterapi.
Sipas një njoftimi nga ky spital, thuhet se gjatë vikendit ka pasur një fluks rekord të pacientëve në marrjen e shërbimeve emergjente.
“Gjatë vikendit të fundit në Spitalin e Përgjithshëm në Pejë ka pasur një fluks rekord të pacientëve sidomos në marrjen e shërbimeve emergjente. Sipas shifrave puna gjatë vikendit ishte: 1,748 Vizita Specialistike; 82 Pranime; 196 Pacientë të Hospitalizuar aktualisht; 12 Lindje, 4 djem dhe 8 vajza; 10 Operacione dhe 95 Hemodijaliza”, thuhet në njoftim.
