Një person është gjetur pa shenja jete në Bërnjak të Zubin-Potokut të mërkurën.
Policia ka njoftuar se viktima është gjetur i vdekur në pushimoren (vikendicën) e tij rreth orës 13:00, teksa dyshohet se ka kryer vetëvrasje.
Pranë trupit të pajetë është gjetur një revole.
Vdekjen e viktimës e ka konstatuar ekipi mjekësor në vendin e ngjarjes.
“Njësitë relevante policore së bashku me stafin mjekësor kanë shkuar në vendin e ngjarjes, ku kanë hasur në viktimën Z.P 57 vjeç që ndodhej i shtrirë në pushimoren (vikendicën) e tij, ndërsa në afërsi të tij është gjetur një revole që sipas hetimeve fillestare dyshohet se ka bërë vetëvrasje”, thuhet në njoftimin e Policisë.
Rasti është cilësuar si “Vdekje e dyshimtë”, teksa trupi i pajetë i viktimës është dërguar në Institutin e Mjekësisë Ligjore.
