Kryeministri, Albin Kurti, dhe persona të tjerë të kabinetit të tij qeveritarë kanë bërë thirrje disa herë që të kursehet energjia elektrike.
Por kështu nuk po veprohet me objektin e Qeverisë së Kosovës dhe ndërtesën e ish Rilindjes, ku janë të vendosura pesë ministri.
Ekipi i Klan Kosovës ka qëndruar atje në orët e mbrëmjes, rreth orës 22, dhe ka parë disa pjesë të objekteve të ndriçuara.
Ata kanë provuar të hyjnë në to për të parë nëse është dikush aty dhe nëse po punohet, por zyrtarët policorë pranë objekteve kanë thënë se nuk lejohet, pasiqë nuk kanë ftesë./Gazeta Enigma/
