Një person është lënduar si pasojë e një vetaksidenti që ka ndodhur në autostradën “Arbër Xhaferi”, në kilometrin e pestë Veternik-Lipjan.
Këtë e ka konfirmuar zëdhënësi i Policisë, Daut Hoxha, i cili tha se aksidenti ka ndodhur në ora 14:00.
“Në ora 14:00 policia është njoftuar për një aksident trafiku të ndodhur në autostradën ‘Arbër Xhaferi’, në kilometrin e pestë Veternik-Lipijan”.
“Në aksident është përfshirë një veturë (vetaksident), si pasojë një person ka pësuar lëndime dhe është dërguar për tretman mjekësor”, ka thënë Hoxha për Gazetën “Enigma”.
