Mauricio Pochettino pritet të humbasë punën e tij në Paris Saint-Germain në të ardhmen e afërt dhe klubi thuhet se ka një listë të ngushtë prej 10 lojtarësh për ta zëvendësuar atë.
E ardhmja e Pochettino ka qenë në dyshim disa herë gjatë kohës së tij relativisht të shkurtër si trajner i PSG -së, duke marrë drejtimin në janar 2021, raporton L’Equipe.
Eliminimi i PSG-së në Ligën e Kampionëve ndaj Real Madridit javën e kaluar, pas het-trikut të Karim Benzemas , çoi në thashethemet se koha e Pochettinos si menaxher i liderëve të Ligue 1 madje mund të përfundojë para se të përfundojë sezoni.
Sipas gazetës franceze, janë 10 emra në listën e ngushtë për të marrë drejtimin nga 50-vjeçari, me Zinedine Zidane, Diego Simeone dhe Antonio Conte në listë.
Max Allegri, Erik ten Hag, Christophe Galtier, Mikel Arteta, Simeone Inzaghi, Thiago Motta dhe Lucien Favre janë emrat që përbëjnë pjesën tjetër të listës.
Zidane ka qenë prej kohësh i lidhur me punën në Parc des Princes dhe preferenca e tij për t’u transferuar atje thuhet se është një arsye që ai nuk e donte punën në Manchester United kur Ole Gunnar Solskjaer u shkarkua.
Gjithashtu, raportohet se destinacioni i radhës i Pochettinos në rast të largimit nga PSG-ja është Manchester United.
