Zyrtari policor, Amir Hoxha ka konfirmuar se është larguar nga Kosova.
Hoxha të premten përmes një postimi Facebook ka cituar predikuesin amerikan Henry Weston Smith duke shkruar:
“Nëna shqiponjë i mëson të vegjlit e saj të fluturojnë duke ua bërë folenë aq të pakëndshme saqë ata detyrohen ta lënë atë dhe t’i përkushtohen botës së panjohur të ajrit jashtë. Dhe ky është një ligj i përcaktuar nga Zoti”, tha ai duke nënkuptuar që është larguar përfundimisht nga Kosova dhe po raportohet se është vendosur në Amerikë.
Kujtojmë se Amir Hoxha ishte suspenduar muaj më parë nga Policia e Kosovës për shkak të një postimi në të cilin kritikoi në mënyrë publike shpenzimet e deputetëve derisa i njëjti shprehi pakënaqësitë e tij për mospagesën e shujtave dhe orët shtesë për policët.
