Qeveria holandeze do të ulë me dy gradë temperaturën e ngrohjes në zyrat e qeverisë për të reduktuar krizën e përshkallëzuar të energjisë dhe varësinë nga gazi rus.
Po ashtu më pak kondicionerë do të përdoren në institucionet publike gjatë muajve të verës.
Qeveria ftoi gjithashtu publikun që të mbajë kaldajat e kombinuara në maksimum 19 gradë gjatë ditës dhe në 15 gradë gjatë natës dhe të qëndrojnë më pak në dush, raporton media turke birincihaber.com.
Inflacioni i marsit në Holandë arriti në 11.9, niveli më i lartë që nga kriza e naftës në 1975. Shkaku më i madh i inflacionit është rritja e shpejtë e çmimeve të energjisë për shkak të pushtimit të Ukrainës dhe luftës.
Siç tha kryeministri Mark Rutte, “Ne të gjithë do të varfërohemi pak më shumë”, ndwrsa qeveria nisi një fushatë kombëtare të ruajtjes së energjisë për të parandaluar krizën energjetike dhe për të reduktuar varësinë nga gazi rus.
Në kuadër të fushatës së kursimit të energjisë të nisur nga Ministria e Klimës dhe Energjisë me sloganin “Rrotulloni çelësin”, ngrohja do të zbehet me dy gradë në rreth 200 zyra qeveritare në Holandë. Më pak sisteme ftohjeje do të funksionojnë në ndërtesat qeveritare gjatë verës.
Në kuadër të fushatës, publiku u këshillua të vendosë kaldajat e tyre të kombinuara në maksimum 19 gradë gjatë ditës dhe 15 gradë gjatë natës.
Qeveria po ashtu thotw se “Vishni një triko të ngrohtë ose triko në shtëpi. Nëse jeni duke punuar në mënyrë efektive në shtëpi, madje mund ta ulni termostatin disa gradë.”
Qeveria, e cila u kërkoi holandezëve të mos qëndrojnë në dush më shumë se 5 minuta, deklaroi se kjo do të kursente 130 euro në vit. Në fushatën e kursimit të energjisë, publiku u këshillua që të ngrohë vetëm dhomat që përdorin dhe të ulë temperaturën e bojlerit në 15 gradë kur nuk janë në shtëpi ose nuk flenë natën.
Qeveria holandeze do të ndajë 4 miliardë euro deri në vitin 2030 për të izoluar më mirë 2.5 milionë nga 8 milionë shtëpitë në vend.
Ministri i Klimës dhe Energjisë Rob Jetten tha se ka nevojë urgjente për kursim të energjisë, “Kursimi i energjisë nuk ka marrë vëmendjen që meriton vitet e fundit. Tani do ta ndryshojmë atë. Kjo do të jetë e mirë për portofolin tuaj dhe klimën. Gjithashtu, nevojitet më pak gaz nga Rusia. Do të na ndihmojë të bëhemi të varur.”
Nga 1 korriku, norma e TVSH-së për gazin dhe energjinë elektrike do të ulet nga 21 për qind në 9 për qind.
Në 2 javët e ardhshme qeveria do të bëjë rregullime të reja në buxhetin aktual.
Krahas rritjes së fuqisë blerëse, kërkesat si rritja e buxhetit të mbrojtjes dhe lidhja e pensioneve me një çmim minimal e bëjnë qeverinë të mendojë.
Kryeministri Mark Rutte thotë: “Mesazhi më i drejtë për Holandën është se qeveria nuk mund ta zgjidhë të gjithë këtë. Së bashku do të varfërohemi.”
