Një banorë i Strellcit të Ultë të Deçanit ka dhuruar në formë sadakaje 10.700 euro, për ndërtimin e minares në xhami të fshatit.
Kjo u bë, pasi në projektin e fituar të banorëve në Bashkësinë Islame të Kosovës, parashihte që ky objekt fetar të ndërtohej pa minare, meqë ata synonin që ta ruanin të vjetrën 140 vjeçare.
Por, më pas kur ajo u konstatua se nuk ka qëndrueshmëri u rrënua dhe u paraqit nevoja për ndërtimin e minares së re, rrjedhimisht gjetja e mjeteve shtesë.
“E ka shfrytëzua këtë muaj, ka dashtë të jep sadaka. E ka bë me familje, me motra e vëllezër, e ka bë për xhami, për hir të Zotit”, tha Rasim Bytyqi, kryetar i KBI në Deçan.
Ndërsa, në fshat ende nuk është kuptuar se kush e bëri këtë, pasi donatori deshi të mbes anonim.
Ndërtimi i xhamisë në total pritet të kushtojë rreth 100 mijë euro dhe financohet nga shteti i Kuvajtit./Gazeta Enigma/
