Pesëmbëdhjetë automjete me targa të Maqedonisë dhe të huaja janë larguar nga komunikacioni dje në bulevardin “Marshal Tito” në Tetovë, pasi po bënin përgatitje për organizimin e garave të jashtëligjshme në magjistralen Tetovë-Shkup dhe anasjelltas, njofton MPB.ADVERTISING
Ndaj personave janë marrë masat e duhura dhe ndaj tyre janë shqiptuar sanksione për shkeljet e konstatuara.
SPB Tetovë u bënë thirrje shoferëve që të respektojnë rregullat dhe rregulloret ligjore në komunikacion, të kontrollojnë me kohë korrektësinë teknike të automjeteve, të mos organizojnë gara në autostradë dhe të kontribuojnë për sigurinë e tyre dhe të përdoruesve të tjerë të rrugës.
Ndryshe, sipas Ligjit për Sigurinë në Komunikacionin Rrugor, automjetet e tyre do të konfiskohen brenda 90 ditëve.
