Lewis Hamilton ka bërë një angazhim brilant në garën për Çmimin e Madh të Spanjës duke dalë përpara pilotit të Red Bullit, Max Verstappen. Kampioni i botës e tejkaloi rivalin e tij në xhirot e fundit të garës në Barcelonë duke e rritur kështu diferencën në renditjen e përgjithshme.
Verstappen e kishte kaluar Hamiltonin në hyrjen e parë në bokse, ashtu që piloti i Mercedesit u desh të angazhohej për triumfin e pestë radhazi në ‘Circuit de Barcelona-Catalunya’.
Edhe pse kishte mbetur 22 sekonda prapa pas rikthimit të tij në pistë, kampioni i shtatëfishtë i botës ia doli që ta tejkalonte pilotin e Red Bullit gjashtë xhiro pa përfunduar gara. Për Hamiltonin ky ishte një rekord i ri duke fituar pesë herë rresht në të njëjtin vend, derisa ishte fitorja e tretë në katër garat e sivjetme.
