Dhuna që po promovohet në një reality show i quajtur “It’s my home” që ka nisur tash e disa ditë në Televizionin “First Channel” ka nxitur shumë reagime, derisa kjo bëri që edhe Policia të aktivizohet.
Ndërsa tashmë nga Policia janë deklaruar, duke thënë se po merren veprimet e nevojshme në bashkëpunim me Prokurorinë.
“Jemi në koordinim me prokurorinë duke marrë veprimet e nevojshme policore, për detaje do tju njoftojmë me kohë.”, tha zëdhënësja Florie Ahmeti për Gazetën Enigma.
Ndryshe, skena të dhunës janë parë që disa herë, por rasti i fundit bëri bujë, pasi njëri nga banorët brenda goditi një konkurrente. Sinjali ka kontaktuar Valon Malokun, i cili fillimisht e ka ndalur telefonin, e më pas ka refuzuar të përgjigjet.
Kur u pyet se a po e arsyeton dhunën, Maloku as nuk e pohoi e as mohoi, duke thënë se “ku hine, ku dole”.
Ai madje pyeti se ku qëndron problemi që pamjet që transmetohen 24 orë live të shpërndahen në rrjete sociale.
“Po çka je t’u pytë.. A e di ti ku është selia e televizionit së pari, është e parëndësishme a kanë qenë, a s’kanë qenë. Jeni t’u u marrë me thashetheme, nuk thash ka ardhe, nuk thash s’ka ardhë. Është pyetje një million dollarëshe. Çkado që është publiku, është publiku 24 orë livë. S’u publiku diçka që s’u konë e publikume. Nëse diçka osht tu shku live, edhe e shpërndan dikush, ku është problem që janë bërë shpërndarjet. Nuk po konfirmoj asgjë, thashetheme, imponime nga ana e juaj zonjë, zonjushë. Unë s’jom tu u përgjigjë. Pse po insistoni, allahile?”, tha ai.
