Gjermania e ka paralajmëruar Serbinë kundër kultivimit të lidhjeve më të thella me Rusinë, duke paralajmëruar se ajo mund të pengojë ofertën e saj për t’u bashkuar me Bashkimin Evropian, tha të martën (1 nëntor) një burim i qeverisë gjermane.
Dy ditë përpara një samiti të Ballkanit Perëndimor në kryeqytetin gjerman që synon të forcojë marrëdhëniet me gjashtë vendet e rajonit, zyrtari i lartë tha se Beogradi duhet të vendosë në anën e kujt ishte: Moskës apo BE-së.
“Marrëdhënia me Serbinë është komplekse – ka dritë dhe hije”, tha burimi, i cili foli në kushte anonimiteti.
“Marrëdhëniet e Serbisë me Rusinë janë sigurisht pjesë e hijeve”.
Burimi tha se qeveria gjermane, për shembull, ishte “e habitur dhe e zhgënjyer” kur ministri i jashtëm serb Nikola Selakoviç nënshkroi një marrëveshje në shtator me homologun e tij rus Sergej Lavrov për të koordinuar çështjet e politikës së jashtme.
Zyrtari gjerman tha se është koha që presidenti serb Aleksandar Vuçiq të terhjeket.
“Nëse ai merr rrugën për në Evropë, ai do të ketë mbështetje, nga BE në tërësi dhe nga qeveria gjermane”, tha burimi.
“Nëse ai zgjedh rrugën tjetër, kjo do të ketë pasoja për të ardhmen e Beogradit me BE-në”, tha zyrtari.
Serbia është kandidate për t’u anëtarësuar në Bashkimin Evropian që nga viti 2012, por perspektivat e saj shihen si të zymta pa normalizimin e marrëdhënieve me Kosovën. Beogradi nuk e pranon shpalljen e pavarësisë së Kosovës me shumicë shqiptare në vitin 2008.
Tensionet janë përkeqësuar nga lufta në Ukrainë, me shumë serbë që janë dashamirës ndaj aleatit tradicional të Rusisë.
Beogradi ka dënuar pushtimin e Ukrainës në Kombet e Bashkuara, por ka refuzuar ti bashkohët sanksioneve Evropiane ndaj Moskës.
Samiti i së enjtes në Berlin i organizuar nga kancelari gjerman Olaf Scholz do të mbledhë së bashku krerët e qeverive të Shqipërisë, Bosnjë-Hercegovinës, Kosovës, Maqedonisë së Veriut, Malit të Zi dhe Serbisë, si dhe krerët e BE-së.
Pjesëmarrësit nga Ballkani Perëndimor do të nënshkruajnë tre marrëveshje: për njohjen reciproke të dokumenteve të identitetit, diplomave universitare dhe kredencialeve profesionale./EURACTIV
