Kancelarja e Gjermanisë, Angela Merkel do të zhvillojë të hënën pasdite një video-konferencë me kryeministrin e Kosovës, Albin Kurti.
Kancelarja Merkel do të komunikojë me kryeministrin e Kosovës, Albin Kurti, për një gamë të gjerë çështjesh, ndër to edhe për dialogun me Serbinë.
Zëdhënësi i qeverisë gjermane, Steffen Seibert, bëri të ditur se biseda do të përqendrohet shumë fort në kursin e reformave në Kosovë, transmeton DW.
Më tej bashkëbiseduesit do të diskutojnë për procesin e afrimit të Kosovës me Bashkimin Evropian si dhe për dialogun e ndërmjetësuar nga BE midis Kosovës dhe Serbisë.
