Mosmarrëveshjet brenda familjeve kosovare shpesh dinë të eskalojnë edhe në dhunë.
Një e tillë ka ndodhur në Viti të mërkurën, ku pas një mosmarrëveshje djali e ka sulmuar fizikisht babain e tij.
Rasti u konfirmua nga zëdhënësi i policisë për rajonin e Gjilanit, Valon Osmani.
Osmani tha se dyshohet se autori i ngjarjes ka probleme psikike.
“Është ndaluar për tretman mjekësor në repartin e Neurologjisë në spitalin rajonal të Gjilanit”, tha Osmani.
Ai theksoi se ndaj të dyshuarit është iniciuar rast për “Dhunë në familje”.
