Një veturë zyrtare me targa 4Z është parë në rrugën për Podujevë, përkundër faktit që të gjitha institucionet qendrore dhe lokale, sot nuk punuan, pasi vazhdojnë të pushojnë për festat që i bien në ditë vikendi.
KosovaPress nuk ka arritur të marrë informata nëse personi që ngiste veturën është në punë zyrtare.
Megjithatë, ajo që dihet është se sot, më 10 prill, institucionet pushojnë për 9 prillin, Ditën e Kushtetutës.
Veturat zyrtare 4Z janë vetura të gjyqësorit dhe prokurorisë së Kosovës.
