Modelja britanike, Stephanie Dubois, vdiq pak ditë pasi mori vaksinën anti-COVID.
39-vjeçarja, vuante nga një “episod serioz trombotik” pasi mori vaksinën në Paphos më 6 maj, ajo ka vdekur nga mpiksja gjaku disa ditë pasi mori vaksinën AstraZeneca në Qipro, shkruajnë mediat rozë.
Vdekja e saj do të hetohet nga Agjencia Evropiane e Barnave, Charalambos Charilaou, tha një zëdhënës shëndetësor qipriot për “The Times”.
Lidhja midis zonjës Dubois që mori vaksinën dhe vdekjes së saj nuk është konfirmuar ende.
Tetë ditë pasi u vaksinua, Dubois njoftoi në faqen e saj në “Facebook” se nuk ishte mirë dhe po i nënshtrohej testeve.
“Më është mpiksur gjaku dhe patjetër që ka diçka pasi numri i qelizave të bardha të gjakut është i lartë, por ata nuk e dinë se çfarë po e shkakton atë”, tha ajo.
“Mjekët këtu janë të shkëlqyeshëm dhe do të më kontrollojnë të dielën për të parë se si po shkoj. Ndoshta po kam një reagim të zgjatur ndaj vaksinës sime anto-COVID javën e kaluar ose ndoshta ato efekte anësore ndikuan në sistemin tim imunitar dhe unë kam kapur diçka tjetër në proces”, shtoi ajo.
Modelja njoftoi se nuk kishte energji dhe se i gjithë trupo po i dhimbte, ngase edhe nyjet i janë dobësuar.
Disa ditë më vonë ajo postoi një foto, që ishte edhe postimi i fundit i saj, ku tregoi krahun e mavijosur, të shkaktuar nga analizat e shumta që ia bënë mjekët.
Deri më 19 maj, modelja, e cila ndau kohën e saj midis Britanisë dhe Qipros, kishte rënë në koma në spitalin e Nikosisë dhe “nuk pritej të dilte prej tij”, sipas Andrew Powers, një mik i saj.
Qipro rivendosi vaksinën e AstraZeneca më 18 mars pasi ndoqi një numër të kombeve të tjerë evropianë në pezullimin e përdorimit të tij në fillim të muajit pas shqetësimeve rreth mpiksjes së gjakut.
Vetëm dy persona të tjerë kanë pasur mpiksje gjaku pas vaksinës në Qipro dhe të dy kishin gjendje të mirë shëndetësore. Asnjë nga individët nuk vdiqën.
Elena Panayiotopoulou, kreu i shërbimeve farmaceutike në ministrinë e shëndetësisë, tha se kërkohen hetime të mëtejshme për të zbuluar nëse vaksina dhe vdekja e modeles britanike janë të lidhura.
“Ne kurrë nuk mund të jemi të sigurt se vdekja e saj është e lidhur me vaksinën AstraZeneca”, tha ajo për Sun Online, transmeton Gazeta Enigma.
