Astrit Ismaili nga Gostivari, i cili më 10 prill u raportua si i zhdukur, është gjetur i vdekur në lumin Vardar në Shkup, ka bërë të ditur Policia.
Në raportin policor konfirmohet identiteti i tashmë të ndjerit, Astrit Ismaili dhe për të njëjtin thuhet se është denoncuar si i zhdukur.
Nuk bëhen të ditura shkaqe e vdekjes, pasi ende bëhet obduksion ndaj trupit të tij.
“Sot, rreth orës 09:00 në SPB Shkup është denoncuar se në ujërat e Lumit Vardar në fshatin Jurumleri të Shkupit, është vërejtur një trup i një mashkulli. Pas ndërmarrjes së masave, është vërtetuar se bëhet fjalë për A.I.(25) nga Gostivari, i cili më datë 10.04.2023 është denoncuar si i zhdukur. Me urdhër të prokurorit, trupi i të ndjerit është dërguar për obduksion”, thuhet në njoftim.
Kujtojmë se familjarët e raportuar të zhdukur Astritin, pasi i njëjti kishte humbur çdo gjurmë dhe në banesën e tij ditën e zhdukjes, ishin gjetur mbetje nga të vjellurat.
