Gjatë ditës së djeshme, një telefonatë që mori Policia, përmes së cilës paralajmërohej se është vendosur një mjet shpërthyes në Stacionin e Autobusëve në Prishtinë, ka alarmuar menaxhmentin, punonjësit si dhe qytetarët që ndodheshin aty.
Burimet e Gazetës Sinjali brenda Prokurorisë bëjnë me dije se i dyshuari ka kryer telefonatën nga një numër i cili ka prefiksin e shtetit të Serbisë, +381.
Sipas njoftimit të Policisë, njësitë policore kanë dalë menjëherë në vendin e ngjarjes dhe kanë evakuuar qytetarët edhe personelin e cili ishte në objektin e stacionit, dhe se nuk kishte gjetur asgjë e dyshuar.
“Njësitë policore kanë pranuar një telefonat nga një i dyshuar i pa njohur se në objektin e stacionit të autobusëve është i vendosur një mjet shpërthyes. Njësitë policore kanë evakuar qytetarët si dhe personelin i cili ishte në objektin e stacionit. Pas kontrollit të kryer nga njësitë relevante policore nuk është gjetur asgjë e dyshuar”, thuhet në raportin e Policisë.
