Lionel Messi u largua nga PSG vetëm pas dy sezonve. Kur u bashku me pariesienët, shtatë herë fituesi i topi të artë bëri bujë të madhe anë e mbanë botës. Bile, shumë shpejt ai fitoi zemrat e tifozëve të Parisit si dhe theu rekorde për shitjen e fanellave.
Megjithatë, gjatë rrugëtimit të tij Messi filloi të kritikohet, sidomos në sezonin e fundit me kampionët e Francës. Madje, argjentinasi filloi të fishkëllehët nga ultrasit e Parisit.
E kjo nuk i pelqej aspak yllit francez, Kylian Mbappe.
“Nuk mori respektin që e meritonte. Ai është një lojtar i madh, më i madhi në histori. Është zhgënjyese kur një futbollist i tillë largohet.”, tha Mbappe për mediat franceze.
Kujtojmë që ditët e fundit edhe emri i Mbappes është lakuar shumë për një largim të mundshëm nga PSG gjatë kësaj vere.
