Aktivisti, Shkëlzen Gashi, ka thënë në Pressing të T7, që Qeveria e Kosovës ka vepruar në mënyrë të duhur për ndalimin e produkteve serbe në Kosovë.
Sipas Gashit, Kosova e ka bërë një hap përpara, pasi ai thotë se Serbia do të kërkonte që “Kosova ta lirojë Milun Milenkoviqin, ndërkaq Serbia t’i lirojë tre zyrtarët policorë”.
“Me pas lënë kështu mos me ndërmarrë Qeveria kurrfarë vendimi, Serbia kishte me thënë se ju e lironi atë kriminelin tonë na i lirojmë tre zyrtarët tuaj policisë. Jo Kosova ka shkuar një hap tutje, mallrat e Serbisë nuk futen, jo taksë 100% që ajo ka qenë gabim”, ka thënë Gashi.
