“Një i vdekur që ecën”, kështu cilësohej shefi i mercenarëve të Wagner-it, Yevgeny Prigozhin, pas rebelimit që ndërmori në Rusi.
Reagimi fillestar i Presidentit Putin ishte i ashpër, duke e quajtur atë një tradhti dhe një thikë pas shpine.
Fakti që më pas u lidh me ngut një marrëveshje që e la Prigozhinin të lirë dhe ai u shfaq në Bjellorusi, Shën Petersburg dhe këtë javë, diku në Afrikë, nuk do të thoshte se ai ishte i sigurt.
“Hakmarrja”, komentoi drejtori i CIA-s, William Burns, “është një pjatë që Putini preferon ta servirë të ftohtë”.
Asnjë nga këto, natyrisht, nuk është provë se Prigozhin dhe rrethi i tij u shënjestruan qëllimisht.
Por duke pasur parasysh rrethanat, çdo pretendim se vdekja e tij, nëse konfirmohet, ishte një aksident, do të ketë shumë vetulla të ngrysura, raporton BBC.
Vetëm disa ditë më parë Yevgeny Prigozhin u shfaq në një video, me sa duket të realizuar në Afrikë, kështu që të dëgjosh se ai mund të jetë viktimë e një aksidenti avioni në Rusi mund të jetë befasi.
Por një ish-oficer i inteligjencës britanike ka thënë se kjo nuk është hera e parë që ai besohet të ketë qenë në vend që nga rebelimi i tij i armatosur i dështuar në qershor dhe ky lloj incidenti ishte “i pashmangshëm”.
Rebelimi çoi në internimin e udhëheqësit të Grupit Wagner në Bjellorusi, me mijëra luftëtarë të tij që zgjodhën t’i bashkoheshin atij në vend.
“Është shumë kurioze se çfarë bëri ai që nga 24 qershori kur ndodhi kjo revoltë, dhe mendoj se ai e kishte kaluar kufirin”, tha Christopher Steele për Sky News.
“Unë mendoj se kjo ishte pothuajse e pashmangshme”, shtoi ai.
