Një uragan jashtëzakonisht i rrezikshëm që është duke shkuar drejt Floridës së ShBA-së, paralajmërohet se mund të shkaktojë shkatërrim të mundshëm dhe rrezik për jetë.
Qyteti bregdetar, i cili ende po rimëkëmbet nga uragani vdekjeprurës Ian i vitit të kaluar, është një nga zonat e shumta të Floridës jugperëndimore ku banorët po peshojnë nëse duhet të evakuohen.
Në një konferencë shtypi, guvernatori Ron DeSantis paralajmëroi se ky do të jetë një uragan i fuqishëm dhe se do të ndikojë në shtetin e Floridës në shumë mënyra.
Ndërkohë ai ka shpallur gjendjen e jashtëzakonshme në dhjetëra qarqe.
Ai shtoi se disa qarqe në Bregun e Gjirit do të detyrohen të evakuohen dhe shkollat gjithashtu do të mbyllen. Inkurajoi banorët e Floridës në zonat e ulëta bregdetare që të kërkojnë toka më të larta.
Idalia pritet të sjellë erëra të qëndrueshme që arrijnë të paktën 179 km/h të mërkurën përpara se të dalin në breg në Big Bend më vonë gjatë ditës.
Zyrtarët kanë përgatitur 400,000 litra karburant për t’u vendosur në stacionet e benzinës përgjatë rrugëve të evakuimit.
Zyrtarët shtetërorë paralajmëruan gjithashtu se shumë banorë në zonë do të mbeten pa energji elektrike pasi stuhia të përhapet.
