Gazeta Sinjali raportoi më parë për një rast të rëndë që ka ndodhur në Prizren ku një person ka mbetur pa shenja jete pasi dyshohet se u privua nga jeta nga një burrë rreth të 50-tave.
Për rastin e rëndë ka folur një dëshmitar i rastit, i cili ka zbuluar ekskluzivisht për Sinjalin se viktima u vra në sy të gruas e fëmijëve.
“Njëri doli prej taureg-it, në sy të gruas e të fëmijës e vrajti njeriun, e la për toke. Nuk po dihet pse, veç atë burrin e njoh, punojke në ndërtim ai, i Malishevës. Në sy të gruas, në sy të fëmijës e ka gjujtë, me kallash. Edhe atë djalin e vetë, nëpër mure t’u ikë prej plumbit…”, tregoi njëri nga dëshmitarët e rastit për Sinjalin.
Pamje nga vendi i ngjarjes, lagjia “Arbana” Prizren.
Burimet e Sinjali nga Prokuroria bëjnë të ditur se viktima është B.Morina.
Lajmin për Sinjalin e ka konfirmuar togeri i Policisë për rajonin e Prizrenit, Shaqir Bytyqi.
“Rreth orës 18:46 është raportuar për të shtëna me armë zjarri në lagjen Arbana. I dyshuari nga automjeti në lëvizje ka shtënë me armë zjarri në drejtim të një personi tjetër. Është komnstatuar vdekja e viktimës në vendin e ngjarjes. Viktima është mashkull shqiptar i moshës rreth 48 vjeçar dhe i dyshimti është rreth moshës 50-55 vjeçare. I dyshuari është në kërkim nga Policia.
Policia bashkë me njësinë e forenzikës janë në vendin e ngjarjes”, tha Bytyqi.
