Kryeministri i Kosovës, Albin Kurti është takuar sot me ambasadorin e Gjermanisë në Kosovë, Jorn Rohde, si dhe ambasadorët tjerë gjermanë në rajon si dhe nga Berlini.
Ambasadori Rohde në platformën “X”, ka shpërndarë një fotografi nga takimi, teksa ka pohuar se në takim kanë diskutuar për çështjet rajonale.
“Së bashku me kolegët gjerman nga rajoni dhe Berlini, e nisa ditën me një diskutim nxitës për çështjet rajonale dhe rrugën drejt Bashkimi Evropian”, ka shkruar ambasadori.
Tutje, ai ka falënderuar kryeministrin Kurti për dialog, siç ka shkruar ai, të thellë dhe të sinqertë.
