Ka rënë dukshëm numri i gjobave të shqiptuara nga Policia e Kosovës për ata persona që nuk janë duke i respektuar masat e ndërmarra nga Qeveria e Kosovës me rekomandim të Institutit Kombëtarë të Shëndetësisë Publike, raporton Gazeta Enigma.
Vetëm gjatë 24 orëve të fundit janë shqiptuar 17 tiketa në bazë të ligjit për Pandeminë, nga Policia e Kosovës.
Ndryshe, ky ligj ka hyrë në fuqi në muajin gusht të vitit 2020,i cili përmban 29 nene, ndërsa rregullon çështjen e parandalimit, menaxhimit dhe kontrollit të pandemisë COVID-19.
Në nenin 24 pika 5 të këtij Ligji, të gjithë ata të cilët nuk mbajnë maskë do të dënohen me 35 euro.
