Nuk janë të rralla rastet kur pacientët në Qendrën Integruese Rehabilituese të të sëmurëve kronikë-psikiatrikë ikin nga ky institucion dhe nuk dihet gjë për fatin e tyre. Kjo Qendër tash e një kohë është në hall me një pacient, i cili ka ikur dhjetëra herë nga Enti.
Burimet e Gazetës Sinjali bëjnë me dije se 44-vjeçari është larguar sërish mbrëmë dhe nuk dihet vendndodhja e tij.
Ai ka ikur edhe pak ditë më parë dhe më pas ishte përfshirë në një rast të vjedhjes së një veture në Lipjan.
Bazuar në dëshminë e punonjësit të QIRPS, pacienti nuk është i dhunshëm, por ka ‘merak’ t’i marrë veturat e qytetarëve kur i gjen çelësat e tyre.
