Një person i moshës 56-vjeçare ka humbur jetën pasi dyshohet se është goditur nga një kamion në Maxhunaj të Vushtrrisë.
Lajmin e ka konfirmuar zëdhënësi i policisë për rajonin e Mitrovicës, Avni Zahiti, i cili bëri të ditur se dyshohet që kamioni i përfshirë në aksident nuk është ndalur në vend të ngjarjes.
“Nga informacionet e para dyshohet për aksident trafiku. Bëhet fjalë që një kamion e ka goditur një këmbësor dhe si pasojë e ka humbur jetën. Në bazë të informacioneve të para, kamioni nuk është ndalur në vend të ngjarjes”, ka thënë Zahiti.
Mediumi publik ka publikuar një video nga vendi i ngjajes e ku shihen pamje të rënda.
Sipas RTK-së, si pasojë e këtij aksidenti janë krijuar kolona të gjata në magjistralen Prishtinë-Mitrovicë.
