Presidentja e Republikës së Kosovës, Vjosa Osmani, ka publikuar pamje nga takimi me kryeministrin e Irlandës, Leo Varadkar, i cili po qëndron për vizitë zyrtare në Kosovë.
Përmes një postimi në platformën X [ish-Twitter], Osmani ka thënë se kryeministrin irlandez e ka falënderuar për miqësinë dhe mbështetjen e qëndrueshme të Irlandës për Kosovën.
“Kjo vizitë riafirmoi gatishmërinë e të dy vendeve tona për të vazhduar ndërtimin e marrëdhënieve tona të shkëlqyera dhe për të eksploruar mënyra të reja për bashkëpunim më të forte”, shkroi ajo.
Happy to welcome Taoiseach @LeoVaradkar and to thank him for Ireland's enduring friendship and support for Kosovo.
This visit reaffirmed the readiness of both our countries to continue building on our excellent relations and to explore new avenues for stronger cooperation. 🇽🇰🇮🇪 pic.twitter.com/5zYoDm0Hlm— Vjosa Osmani (@VjosaOsmaniPRKS) January 11, 2024
Në pamjet e publikuara shihet se presidentja i ka rrëfyer kryeministrit Varadkar edhe për deklaratën e pavarësisë së Kosovës.
Varadkar ka arritur në Kosovë të mërkurën mbrëma ku u prit në Aeroportin Ndërkombëtar të Prishtinës “Adem Jashari” nga kryeministri i vendit, Albin Kurti.
Kurti zhvilloi sot takim me Varadkar të cilin e priti me ceremoni shtetërore e më pas të dy bashkë mbajtën edhe një konferencë për media.
