Departamenti amerikan i Shtetit tha se vendimi i Gjykatës Ndërkombëtare të Drejtësisë është në përputhje me qëndrimin e administratës Biden se Izraeli duhet të bëjë më shumë për të mbrojtur civilët.
“Ne vazhdimisht e kemi bërë të qartë se Izraeli duhet të marrë të gjithë hapat e mundshëm për të minimizuar dëmtimet civile, për të rritur rrjedhën e ndihmës humanitare dhe për të adresuar retorikën çnjerëzore”, tha një zëdhënës i Departamentit të Shtetit, njofton CNN.
“Vendimi është gjithashtu në përputhje me pikëpamjen e SHBA-së se Izraeli ka të drejtë të mbrohet dhe”të ndërmarrë veprime për të siguruar që sulmet e 7 tetorit të mos përsëriten, në përputhje me ligjin ndërkombëtar”, ka thënë tutje ai.
